本來我呢篇野想用個"序"字做標題，但係諗下諗下我又冇咁勁可以自己寫"序"喎．．．所以變為"Kerorokerorokerorotai嘅出處"。咁點解會有佢嘅出現呢???因為我諗我身邊嘅朋友都想知道我嘅生活、我嘅返工日誌、我每日嘅喜與悲，都想了解我多d嘅，希望都可以喺呢道搵到。
(我send得太興奮，send左條link俾好多人tim!!!!)
咁就講下今日啦．．．．．．今日返下夜(2pm-10pm)，已經係連續第三日嘅下夜，返得太多下夜唔係唔好，可以訓晏d，但其實會令我嘅時間非常唔好"駛"，晨早我又唔會起身，一訓就訓到十二點幾一點，換衫、食咪個brunch，有時都會搞到遲哂．．．但好無奈地我又要一個星期返三節odd-section(即係星期二至六嘅所有夜晚仲有星期六嘅下晏)，呢個星期由於我選擇咗要返團契，見下團友仔，所以我只好返三日嘅下夜，嚟換取我可以返團契。下晏處理咗一d我"織"左好耐工作，我嘅心情終於輕鬆哂；最轟動嘅消息都係喺夜晚，其實呢個問題已經喺我心入面好耐，只不過我不敢去行動，又或者係我不敢去接受行動後嘅風險．．．講到尾都係依賴、唔願郁，怕又"量地"半年，唔知點去面對家人．．．都係唔講喇！！有d傷感．．．早抖！！訓啦！！
Subscribe to:
Post Comments (Atom)
1 comment:
哥仔：
一直以為你已有blog添，因為你係時尚電腦人，不過由於一直我沒有於任何一個blog登記，因此through email覆你。
見團友仔好緊要，起碼大家有互相支持。驚浪費早上，找我幫手，包你每日9:00起身。
我都係經長期訓練先有早睡早起的特異功能。
Post a Comment