我係一個不善於講野既人，有好多野對我黎都會”難於開口”．．．
想問店員想耳筒點樣帶，我要諗好耐我要點講我先會開聲．．．
想叫同事借一借開俾我用影印機，我會等同事用完我先用．．．
所以我諗我表白都會諗好耐、諗好多野．．．佢會唔會有男朋友呢？我向佢表白左之後會唔會做唔返朋友呢？？？但另一個我又會話講左先算啦！駛乜諗咁多！都戇居既！
而且．．．我覺得表白係一樣好深奧既野，所有證據都係感覺而黎，十個有八個行街既人都會周圍望，咁可唔可以話個個望我既女仔都係冧我先．．．
例如成日三更半夜打俾佢又會聽、時不時約佢食飯行街又肯、又話要出黎有求必應，咁又就肯定我冧佢、佢又冧我先？？
oh...no!
2 comments:
喂，任何人對未成功既事都會係咁架啦。開口向人表白喎，未試過，緊係難啦。但係如果你都想有個伴，你緊係要做第一次，唔通要女仔開口咩？
失敗左，未當表錯情囉，但係成功都唔代表乜。不過要記得成功的經驗，成為你下次遇到困難時，用返上次經驗來鼓勵自己。自己先有進步架。
係唔係仲可以做朋友係你而家係好重要，但將來你可能會睇化。你中學的朋友而家有幾多仲係朋友？你心裏面唔好忘記佢就得啦。
William,多謝你...我會嘗試一下。
Post a Comment